TAMILI

தமிழி

José Saramago’s Poems

José Saramago Poems
ஜோஸ் ஸரமாகோ கவிதைகள்
Tamil Translation : Gouthama Siddarthan
தமிழ் மொழியாக்கம் : கௌதம சித்தார்த்தன்

இளம் வயதில் கவிஞரின் உருவப்படம்

நாங்கள் பயணம் செய்த அந்த நதி நினைவில் உள்ளது
குழந்தைப் பருவத்துறைகளில் நிற்கும் படகுகள்
சலசலத்தாடும் மரக் கிளைகளின் வளைவு
தண்ணீரில் பட்டுத் தெறிக்கும் இலைத் துளிகள்.

ஒரு வேகமான துடுப்பு வலிப்பில்
அதிகாலை விடியலின் மௌனம் கலைந்து,
நீரலைகள் நகரும் புறத்தே
சுழன்றுருளும் கசங்கிய துண்டுகள்.

அதே இடத்தில் உள்ளது சூரியோதயம்,
அது வாழ்க்கைக்குள் நிகழ்த்திய தொடு உணர்வு,
விழித்திருக்கும் கண்களின்
தணிக்காத தாகத்திற்கான ஏக்கம்.

உடைந்துபோன தண்ணீரின் படம் அங்கு உள்ளது
இந்த நினைவிலிருந்து கீழே விழுந்து உடைந்த நதி,
எல்லா திசைகளிலும் உள்ளோடித் திறக்கிறது
அது படத்திற்குப் பழைய கதையைச் சொல்கிறது.

**********

பிரகடனம்

இல்லை, அது மரணம் இல்லை.
இந்த கல் கூட இறந்ததில்லை,
கீழே விழுந்த பழமும் இறந்ததில்லை:
என் கரங்களின் வெதுவெதுப்பை அதற்கு உயிரூட்டுங்கள்,
என் குருதியோட்டத்தை சுவாசிக்கிறது அது,
அதனூடே புத்துயிர்க்கிறது இந்த மூச்சு.
என்றாவது ஒரு நாள், இந்தக் கை காய்ந்ததும்,
மற்றொரு கையின் நினைவில் நீடிக்கும்,
இதழ்களின் அலாதியான அமைதியும்,
நீ முத்தமிட்ட அதரச் சுவையும்.

ஜோஸ் ஸரமாகோ (José Saramago : 1922 – 2010 ) உலகப் புகழ் பெற்ற போர்த்துகீஸிய எழுத்தாளர் மற்றும் 1998 ஆம் ஆண்டு இலக்கிய நோபல் பரிசு பெற்றவர்.
José de Sousa Saramago (16 November 1922 – 18 June 2010), was a Portuguese writer and recipient of the 1998 Nobel Prize in Literature.

unnatham

Leave a Reply

Your email address will not be published. Required fields are marked *

Back to top